هتعملى غدا إيه بكرة؟.. ستيك بالمشروم والكريمة مع أرز بسمتي

صينية اللحمة الستيك بالمشروم من أسهل الأكلات السريعة والمختلفة التى تقدميها لأسرتك، ولها أكتر من طريقة ولكنها تتميز بطعم مختلف عن اللحمة المعتادة التى تقدم مع خضار، وهى عبارة عن لحمة مقطعة على هيئة شرائح لذلك تسمى "ستيك".

المقادير:

كيلو ستيك لحم

ربع كيلو مشروم فريش

بصله مبشورة

3 فصوص ثوم مفروم

كوب كريمه لبانى

3 ملاعق سمنه أو زبده

مكعب مرق لحمه

دقيق للتغليف

ملح وفلفل أسود، حسب الرغبة

طريقة التحضير:

فى البداية نقوم بتدبيل اللحم بالملح والفلفل مع إضافة القليل من الدقيق على الجهتين، ثم تضعى السمن أو الزبد فى الطاسة وتسخن جيدا ثم تضعى قطع اللحم، وكل مايكون لونها غامق كل ما الصوص يبقى لونه غامق.

ثم نرفع اللحم من على النار فى طبق وفى نفس الطاسة نضع المشروم المقطع والبصلة المبشورة والتوم المفروم ومكعب المرقة ونقلبه كويس ثم نضع شرائح اللحم ونزود مياه وتترك لتستوى، وكل ما المياه تقل تزوديها حتى النضج، وفى منتصف سواها تضعى الكريمة وتتحكم فى تقل الصوص اللى تحبيه.

وتقدم الستيك مع أرز بسمتى بالمكسرات.