بالصور..أمير طفل عمره 3 سنوات مصاب بمرض غامص.. ووالده يروى مأساته

«أمير مصطفي» طفل في عامه الثالث ملامح البرائة تظهر علي وجهه،  لا يستطيع التحرك أو حتى الكلام، كل ما يقوم بفعله البكاء والصراخ فهو  يتحمل من الألم الكثير والكثير، فمرضه الغير محدد من قبل الأطباء يسبب له الكثير من الأعباء النفسية والجسدية وتجعله غير راغب في الحياة بسبب عدم توفير العلاج الذي يحتاجه.

وأثناء الحديث مع والد الطفل أمير، قال « في دكاترة بتقول إن أبني عنده ضمور في المخ، وتانية بيقولوا أنه عنده النمو متوقف في خلايا المخ، وأنا مش عارف أعمله أي حاجة لفيت بيه كتير عشان حدد يحدد مرضه وبردوا مفيش، تفتكروا أعمل ايه عشان يخف ويرجع يتحرك تاني ».

وأكمل الأب حديثه قائلا:« ابني عنده 3 سنين يعني المفروض يتحرك شمال ويمين، هو لا عارف يتحرك ولا حتي تكلم زي باقي الأطفال، كل الي بيعمله في يومه هو العياط والصراخ، ومبقاش عارف دة تعبير منه عن الالم الي بيحس بيه ولا ايه بالضبط، قلبي وجعني عليه ومش عارف أعمل ايه معاه».

وأضاف مصطفي أبو الحالة، :«كل اللي أنا عوزة دكتور ابن حلال يفهمني ابني عنده إيه بالضبط، ويتعالج بس للأسف معنديش فلوس دة أخر تحاليل اتعملت كانت  بـ«2000» جنية وأنا دخلي مبيكملش المبلغ دة أصلا وأتدينت، نفسي في حد يتبني حالة أبني أمير اللي بتسوء كل يوم عن اللي قبله».