إضراب سائقي الميكروباص في طنطا لعدم وجود «موقف»

أضرب سائقي الميكروباص، خط «طنطا- كفرالزيات»، لاعتراضهم على عدم وجود موقف لهم بطنطا، وسحب رخصهم في حالة الانتظار بأرض البوريفاج، والذي سبق وأن صرح لهم محافظ الغربية اللواء أحمد ضيف صقر، باستخدامها مكان موقف مؤقت للانتظار وليس موقفا دائما.

وقال السيد علي «سائق»: كل اللي احنا عاوزينه يكون لينا موقف خاص لخط «طنطا - كفرالزيات»، لأن مينفعش كل ما اقف احمل تتسحب رخصتي.

وأضاف إبراهيم معوض «سائق»: المسافة طولية لموقف سبرباي، ويجب عمل موقف لطنطا بنفس الأجرة 3.50، احنا عندنا أولاد وكل حاجة سعرها اترفع.

وقال سامح عبدالغني «موظف»: حرام اللي بيحصل فينا دا، تعطيل مصالحنا وكمان عايزين يرفعوا الأجرة وكمان نركب مواصلتين، للوصول للموقف طيب ليه.

فيما قالت سهير محمد «موظفة»: بعد العطلة دي، هما كده كده بياخدوا اللي هما عايزينه، ومحدش متبهدل غيرنا منهم لله.

على الجانب الآخر، حضر المقدم عادل الغرباوي رئيس وحدة مرور كفر الزيات، والذي قام بدوره في تسيير بعض سيارات الميكروباص، لحل مشاكل المواطنين المعطلين عن قضاء أعمالهم، كذلك طالب السائقين بالجلوس للاستماع إلى مشاكلهم ومحاولة حلها.