كيف علقت «زينة» على براءة «عز» من تهمة السب والقذف؟

وكتبت زينة، قائلة: «معلش بقى أنا ماكنتش ناوية أعلق بس بصراحة كدبك اللي مالوش نهاية بيستفزني جدا.. أولًا مبروك براءتك من قضية السب والقذف في حقي ولو أن مبروك من تهمة دي مش حاجة تشرف قوي يعني أنت ما أخدتش جائزة نوبل!! وكدة كدة ماكنتش هاسيبك تتسجن علشان ولادك مايبقاش أبوهم رد سجون.. ارجع بقى من لندن اللي أنت مستخبي فيها يا دكر ماتخافش مش دي صورتك هناك، أما بقى لو جبت سيرة ولادك وقضية النسب دي تاني هايكون ليا تصرف تاني معاك وبالقانون لأن القضية دي اتقفلت لآخر يوم في عمرك بطل كدب وبطل تضحك على الناس لأن الناس مش هبلة وخلاص اتلهي في شغلك ومعجباتك اللي تعرفهم معرفة شخصية من قلتهم».

وتابعت: «كفاية بقى فيلم محترم ده علشان ماحدش بيصدقه غيرك، الناس عرفت حقيقتك وياريت تبطل تستغبى الناس والأهم من ده كله لو كان تم الحكم عليك كنت هاحس إن ربنا بيحبك وبيكفر عنك في الدنيا.. لأن الحمد لله حتى يبلغ الحمد منتهاه حسابك عند رب العالمين شايلهولك كله في الآخرة ومافيش أعظم من حساب ربنا.. وأبقى روح لربنا قل له أقسم بالله يارب أشوفك وأنت بتتحاسب يارب».