تامر حبيب يسخر من العادات فى عيد الأضحى

سخر السيناريست تامر حبيب من بعض العادات التى اعتاد عليها الكثير فى عيد الاضحى بوالاخص الىباء الذين يجلبون قبل أيام من العديد خروف العيد ويحسوا أبنائهم الصغار على الاعتناء بهم ،ليفاجئوهم فى النهاية بذبحه ،وهو الأمر الذى قد يترك آثار نفسية سيئة داخل هؤلاء الأطفال.

وكتب حبيب عبر حسابه الرسمى قائلا « يبقي الأب من دول عنده طفل او اكتر في عمر الزهور، مليانين براءة و أمل في بكرة، يجيبلهم خروف يقعد معاهم كام يوم في البيت، يأكلوه و يشربوه و يلعبوا معاه و يرتبطوا بيه، كام يوم و يلاقوا بابا حبيبهم رمز الأمان بيصحيهم من احلي نومة، و اذا بهم و هم مازالوا يقاوموا آثار النوم و بيحاولوا يستوعبوا اللي بيجرا حواليهم يتفاجئوا بالخروف صاحبهم الجديد، و راجل شبه ابو لهب حاطط سكينته علي رقبته و بيسمي بالرحمن الرحيم و يذبحه، و يذعر الطفل و هو يشهد علي صديقه الجديد و هو بيطلع في الروح، و بابا حبيبي بيضحك و يقوله بتعيط ليه يا عبيط، و بعدها بشوية، بابا يقعده جنبه علي السفرة علشان يأكل لحم صاحبه اللي اتدبح قدّامه من شوية.... و العيد فرحة، هيه هيه هيييييه...».