تامر حسين لـ«عاشور»:«أنا أكبر من إنك تسخن نص صحفيين مصر عليا»

رد الشاعر تامر حسين، على الأنباء المتداولة حول إستبعاد المطرب تامر عاشور له من ألبومه الأخير، وعدم التعاون معه.

ووجه «تامر» رسالة للمطرب تامر عاشور عبر حسابه الشخصى بموقع التواصل الاجتماعى«فيسبوك»، قائلاً : «تامر عاشور مسخن نص صحفين مصر وبيقول خبر كوميدى جدًا: إنه شالنا من الألبوم أنا والمحلن إسلام زكى، والواقعة دى أقسم بالله العظيم لا أساس لها من الصحة ويشهد محمد محسن جابر ابن الأستاذ المنتج الكبير محسن جابر انى (رفضت رفض تام) أعمل التنازل وكان ليا شروط وده لا يسيئ لشخص تامر عاشور أنا محترم وما بغيرش الحقايق لما ماخدش مصلحتى ف ياتامر يا حبيبى أنا أكبر من إنك تنزل تصريح كوميدى زى ده عيب أنا اشتغلت مع كل نجوم الوطن العربى مش حاتضيفلى والله كتير ومش هحكى باقى التفاصيل عشان مايصحش تتقال ف العلن ماتدخلناش ف ظروفك الإنتاجية ومشاكلك الشخصية أنا نادرًا ما برد على مشكلات تافهة بس كان لازم أوضح الصورة وربنا يهديك كنت فاكرك أكبر من كده الحقيقة، وده بوست للصحفيين الجمهور عارف كويس مين تامر حسين وأخلاقه مش بوجهلهم كلامى».