ياسر الهواري يهاجم «جمال عبد الناصر» في ذكرى ثورة يوليو

هاجم ياسر الهواري، القيادي السابق بجبهة الإنقاذ الوطنى، الرئيس الراحل جمال عبد الناصر، في الذكرى الـ64 لثورة 23 يوليو، واصفا إياه بـ «الزعيم المستبد»، مؤكدًا أن فترة حكم الملك لم تكن جيدة.

وقال «الهواري» في تدوينة له على «فيس بوك»: «والله العظيم أنا بشوف عبد الناصر مستبد، بس أرجوكم احترموا عقولنا لما تيجوا تكلمونا عن الملكية، مصر كانت تحت الاحتلال مش بتحكم السودان ولا حاجة، وغير صحيح أن الاحتلال كان مقتصرا على منطقة القناة».

وأضاف: «فيه حضراتكم حاجة كدة بسيطة حصلت سنة ١٩٤٢، بسيطة خالص يعني، الإنجليز حاصروا قصر عابدين بتاع لا مؤاخذة ملك مصر والسودان ده، وأجبروه على وزارة برئاسة مصطفى النحاس باشا، اللي بالمناسبة كان فايز في الانتخابات بس الملك اللي يملك ولا يحكم ده كان قافش عليه ومرضيش يخليه يشكل الوزارة، قال سودان قال... يا جدعان ركزوا بس ومعلش بلاش نكسل ونردد أي كلام من فيس بوك ونحاول نقرا التاريخ شوية علشان اللي بيتكلم في السياسة وهو ثقافته سمعية شكله بيبقي وحش قوي قوي».