رامى جمال يدعم تامر حسنى بهشتاج «أدعم تامر»

تضامن الفنان رامى جمال، مع الفنان تامر حسنى، بعد تسريب ألبومه الجديد «عمرى ابتدى»،فدشن هاشتاج على تويتر «إدعم تامر».

وكتب «جمال» فى هذا السياق عبر صفحته بموقع التواصل الاجتماعى «فيسبوك»: «أكتر شئ محبط ومؤذي ومتعب لأي فنان او اي انسان عادي حتى انه يشوف مجهوده وتعبه وانتاجه واخلاصه موضع استهتار واستخفاف وإهمال والأصعب أنه يكون من ناس قريبة منه والمفروض أنها أمينة على شغله ومجهوده، الضربة اللي مبتموتش بتقوي وخصوصا لما اللي ياخد الضربة أصلا قوي».

وأضاف:«اللي حصل مع صديقي واخويا "تامر حسني" من استهتار في التعامل مع شغله ونتج عنه تسريب الالبوم قبل معاده موضوع محتاج وقفة كبيرة واعادة ترتيب اولويات وحسابات، بس في الاخر نحمد ربنا على اللي حصل وتامر اقوى من الهزة دي».

ثم طلب من متابعيه دعم «تامر» قائلا:«اللي نقدر كلنا نعمله اننا ندعم فديوهات الاغاني من على قناة تامر حسني الرسمية لحين طباعة الالبوم ونزوله في السوق وارجوا من الجميع وخصوصا اللي بيحبوني او متابعيني انهم يشتروا السي دي الاصلي فور نزوله، وده دعم لفنانك المفضل عشان يقدر يستمر في انه يقدملك المنتج اللي بتحبه، وارجوا المشاركة بالهاشتاج ده.
#ادعم_تامر