هجمة مرتدة

· محمد صلاح .. تقدر تتخطي أحمد حسن في عدد المباريات الدولية , تقدر تعدي حسام حسن في الأهداف , تقدر تبقي لاعب تاريخي لو فزت بكأس الأمم الأفريقية خلال مشاركتك الأولي في البطولة , و الأهم تقدر تبقي أسطورة لما توصل كاس العالم , يلا تقدر .

· محمد النني .. بالمستوي ده تقدر جدا تحقق حلمك الشخصي باللعب لبرشلونة , انت مش أقل أبدا من الكسندر سونج , وبالمناسبة هو كان في ارسنال برضه قبل ما يروح برشلونة , حتي نفس تسريحة شعرك .

· رمضان صبحي .. استمرار انتصارات الأهلي و المنتخب بدون تواجدك في صفوف اي منهما لا يعني انك لاعب غير مهم , ولكن يعني انك فرد في منظومة ناجحة , حاول ان تنجح معها و تنجح بها .

· محمود كهربا .. ما وجهته لرمضان صبحي يختلف عما يجب أن أقوله لك , انت لم تخرج يوما من حسابات المنتخب حتي تعود اليه , رحيل ماكليش سيكون سببا في عودتك سريعا للمنتخب , عدت الي مركزك الذي تستطيع التألق به , وعودتك للمنتخب قريبا أمر حتمي باذن الله .

· أحمد الشناوي .. شوف مثلك الأعلي عصام الحضري بيعمل ايه , استغل كل فترة موجود معاك فيها في المنتخب , شوف بيعمل ايه وهو عنده 43 سنة , أكيد هيفرق معاك وانت عندك 23 سنة .

· خالد عبد العزيز .. عندما يعلن الرئيس للمرة الثانية أنه يتمني تواجد الجماهير في المدرجات , يجب ان تمتلك الألية المناسبة لتحقيق ذلك , أرجوك بعيدا عن التصريحات المعتادة نريدة خطوات علي أرض الواقع .


[email protected]