أغرب طلبات الجمهور من النجوم.. فتاة تطلب حضور حماقى لزفافها.. وأخرى تطالب الهضبة بالاستعانة بموديل محجبة.. والتوقف عن الشيشة مطلب جماهيرى من غادة عبد الرازق.. و«لايكات» طلب جمهور هيفاء

يبدو أن إقبال النجوم على التواصل مع جمهورهم عبر مواقع التواصل الاجتماعي، المختلفة جعلهم فريسة لطلبات جماهيرهم الغير معتادة، والتى يلبيها البعض ويرفضها البعض الآخر.

وترصد «صوت الأمة» أغرب الطلبات التي تلقاها النجوم من جماهيرهم.

محمد حماقى
انتشر منذ أيام منشور لإحدى الفتايات على السوشيال ميديا، تطالب فيه جميع أصدقائها على «فيسبوك»، وكل من يرى المنشور، بإعادة نشره حتى يصل للنجم محمد حماقي، والتي ناشدته من خلاله، بقبول حضور حفل زفافها، قائلة:« بصوا أنا مش عارفة أقولهالكوا إزاى.. ولو ده جنان ف أنا هتجنن ولو لمرة واحدة ف عمرى.. ومفيش حاجة مستحيلة.. أنا أمنية جوايا من 11 سنة، وجه وقت محاولة تحقيقها.. حماقى يحضر فرحى وبما إنى مش هعمل فرح فأنا عاوزاه بس يحضر ويشهد ع عقد جوازى مش عاوزاه يغنى بس يحضر.. اللى فيكوا عارفنى من زمان هيبقى عارف كويس أوى الأمنية دى بالنسبالى إيه »، وبالرغم من أن الكثير اعتقد أن حماقى لن يلبى هذا الطلب إلا أنه لم يمر سوى يومان ليعلن حماقى حضوره عبر حسبه الرسمى بالفيس بوك.

**الهضبة عمرو دياب
قامت إحدى الفتيات والتى تدعى «آية علاء» بنشر منشور عبر حسابها بالفيس بوك والتى تطالب فيه الهضبة بضرورة الاستعانة بموديل محجبة فى احدث كليباته ليقوم بالترويج للحجاب وكتبت عبر حسابه « بصوا هيا مجرد فكرة جات في دماغي ونفسي تلف فيس بوك كله وتوصل لعمرو دياب.. كلنا عارفين إن طبعا عمرو دياب هينزل كليب لـ ألبومه الجديد إن شاء الله، وده الكليب إلى كل الناس منتظراه.. هيجري إيه والنبي لو ‫‏الهضبة‬ عمل الكليب مع بنت محجبة؟؟،عارفين هيجري إيه لو الهضبة عمل الكليب مع بنت محجبة بالستايل الجديد اللي في صور، ده اللي طالع للمحجبات عارفين أن طبعا عمرو دياب هو اللي بيطلع الموضة في أي كليب عارفين كام مطرب هيقلده؟؟ عارفين كام بنت هتحب شكلها بالحجاب؟؟ عارفين كام بنت ممكن تتحجب وتحب شكلها بالحجاب أكتر من شعرها؟ عارفين إن ده معناه أن الدين دين وسط مش هيمنع المحجبة أنها تظهر على الشاشة بالشكل اللي تحبه مش لازم الكليب يكون كله رقص ممكن يبقي أرقي من كده بكتر أوي،عارفين كام شركة ملابس ممكن تغتني لو عمرو دياب عمل كليب والموديلات اللي معاه محجبة؟؟ عارفين كام شركة إنتاج هتدعم الكليب ده؟؟ عارفين كم الحسنات اللي هتبقي في ذمة الهضبة لو عمل حاجة زي كده، عارفين الثقافة الجديدة والموضة الجديدة في عالم أزياء المحجبات اللي ممكن تحصل،أنا عارفه أن الفكرة ممكن تكون غريبة، بس هحاول أنشرها مش هخسر حاجة يمكن توصل للهضبة وتغير مفهوم الحجاب عن ناس كتير، ولو اللي بقوله ده جنان معلش استحملوا جناني ‫‏كليب عمرو دياب والمحجبات.

**النجم أحمد حلمى
حيث قام شاب يدعى «ميللر» والذى يجمعه شبه كبير بالنجم أحمد حلمى بمحاولة التواصل مع نجمه ودعوته لحفل زفافة ولكنه فشل بنيما قام اصدقاء ميللر بنشر رغبته عبر منشور بالفيس بوك وطالبوا كل من يراه بأن يقوم بإعادة نشره، حتى تفاجئوا بتلبية النجم احمد حلمى لرغبتهم والذى ذهب بالفعل وهنأ شبيهه بزفافه.

**النجمة اللبانية هيفاء وهبى
والتى سبق وأن طالبها جمهورها بأكثر الطلبات غرابه،حيث كانت رغب أحد معجبيها بأن تقوم بعمل إعجابات ومتابعة لحسابه بانستغرام كنوع من «العيدية» بمناسبة العيد.

**النجمة غادة عبد الرازق
والتى طالبها جمهورها بضرورة التوقف عن تدخين الشيشة لأنها تصيب بالشيخوخة مبكرا كما تؤثر على صوتها حسب نصائحهم لها.