«الخطيب» ممنوع من انتخابات الأهلي

كشف الإعلامى إبراهيم فايق، مقدم برنامج "ملعب 9090"، على إذاعة راديو 9090 صباح اليوم الثلاثاء، عن كارثة من المنتظر أن تحدث فى الأهلى، خلال الفترة المقبلة.

وقال فايق "فى موضوع هيقلب الدنيا فى الأهلى الفترة الجاية، الأزمة دى بطلها الكابتن محمود الخطيب، نائب رئيس القلعة الحمراء السابق، لأنه مش هيقدر يخوض الانتخابات الجاية بسبب القانون الجديد اللى هيصدر".

وأضاف: "فى مادة عن الانتخابات بتقول لا يجوز ترشح أى عضو مجلس إدارة إلا بعد مرور 4 سنوات ميلادية وليس دورة انتخابية اللى هى مدتها سنتين، وطبعا دى أزمة كبيرة جدا لجماهير الأهلى اللى بتحب وتدعم الخطيب، وطبعا دى أزمة غير مقصودة على الإطلاق والموضوع مش متفصل على شخص معين"