أصالة لابنة صديقتها: «بدّك كفّين على وشّك»

أعربت الفنانة أصالة، عن غضبها لموقف تعرضت له صديقتها مع أبنتها مما جعلها تريد أن تعاقب أبنة صديقتها بعد تجاوز حدودها مع والدتها، ونشرت أصالة صورة تجمع بينها وبين صديقتها عبر حسابها الشخصي على موقع التواصل الاجتماعي "انستجرام".

وحكت أصالة، بتعليق على الصورة قائلة: "من كم يوم اتّصلت فيني صاحبتي عّم تستجير من بنتها، ورحت عّم بركض شوف شو الموضوع وهدّيها، لقيتهم مازالوا قاعدين وعم يتناقشوا والبنت (الله يهديها) عم تصرّخ على أمها وعم تنتقدها والأغرب عّم تعلّمها شو لازم تعمل، وصاحبتي تقريبًا وصلت لمرحلة الجنون تمامًا، وسألتني البنت (مو عندي حق باللي عم قوله؟) والحقيقة كوني أعاني من مرض الصراحة وهيّي البنت سألتني حبّيت جاوبها وقلتلها: (الحقيقه بدّك كفّين على وشّك وأمنيتي أنا اللي أضربك ياهم)، وقلتلها (نحنا بنعلّم ولادنا أحسن ماتعلّمنا مو مشان يعلمونا بل ليكونوا أكتر سعاده ونجاح منّا، ومو ضروري اللي بتعرفيه حضرتك أمّك تعرفه لأنّه أمّك عرفت كيف تخلّيكي تعرفي) وصارت صاحبتي تهدّيني وتقلّي (بس والله حرام مو قصدها، هيّي بتحبني وبدها ياني أحسن) فا قلتلها (لأ إذا هيك خلّيها تربّيكي بمزاجها وبطريقتها) والبنت كمان زادت الموضوع على أمها وقالتلها (شفتي ؟!!! هلّأ ارتحتي؟!!!! خلّيتيني أغلط عليكي قدّام صاحبتك؟).

وأنهت أصالة قائلة: "كتير دايقتني هالبنت الغريبه، المهم الله يخليلنا أمّهاتنا اللي ساعدونا ووصلونا لنكون مناح بهالدنيي وقدّ ماوصلنا لمطارح مهمّه حيكون بسبب مجهودهم وليس بس مجهودنا".