نادية: جوزى طلقنى يوم الصباحية واشتغلت في الدعارة بـ500جنيه للساعة
الأربعاء، 10 يونيو 2015 04:55 م
«ياباشا أنا مش مولودة شمال كل اللى حصل انى غلط مع حبيبى وطلع ندل وعملت عملية بعد ماتقدملى واحد قريبى لكن يوم الدخلة اتكشف الموضوع فدخلت عالم الدعارة بعد ما جبت لأهالى العار».
واعترفت نادية.م.ج، 35 سنة، أمام اللواء محمد ذكاء الدين مدير النشاط الداخلى لمباحث الأداب، بعدما ألقى القبض عليها متلبسة بممارسة الدعارة داخل شقة بمنطقة العجوزة وكانت فى أحضان أحد راغبى المتعة الحرام، أنها كانت تدرس بأحد المعاهد الخاصة بالجيزة ووقعت فى حب زميل لها، وسريعاً تطورت العلاقة حتى وقعت فى علاقة جنسية معه وبعدها هرب الحبيب.
وأضافت المتهمة يافندم أنا بنت ناس وأهالى حبوا يجوزونى واحد قريبى وقبلها بيومين كنت مخلصة عملية انى ارجع بنت تانى، ولكن فى اليوم المشؤم وتقصد به يوم الدخلة اكتشف الزوج انى لم أكن عذراء، فطلقنى يوم الصباحية وجبت لأهلى العار وطردونى .
وأختتمت نادية اعترفاتها ياباشا انت تعرف يعنى إيه واحدة تطلق يوم الصباحية ومن ساعتها وانا فى بيوت الدعارة وبقيت أخد فى الساعة 500 جنيه .
تم تحرير محضر واحالته للنيابة العامة لمباشرة التحقيقات.
