عاملة بمدابغ الروبيكى لـ"الحياة اليوم": شغالين طول السنة والخدمات فى تحسن

تحدثت ولاء رأفت عنتر إحدى العاملات فى مدابغ الجلود بمدينة الروبيكى، عن تفاصيل عملها بالدباغة قائلة: "بشتغل فى المهنة دى وعمرى 12 سنة وانتقلت للروبيكى مع نقل شغلى والمكان كويس بس المشوار بعيد وبقالى فى الروبيكى 3 سنين والوضع يتحسن".

وأوضحت ولاء رأفت، خلال لقاءها ببرنامج "الحياة اليوم"، مع الإعلامى محمد مصطفى شردى، المذاع على قناة الحياة، أنها بدأت فى عمل دباغة الجلود كهواية لأنها كانت تعيش بجوار المدابغ بمنطقة عين الصيرة، مضيفة: "أختى كمان بتشتغل هنا فى التشطيب وأنا شغلة فى الخدمة يعنى بستقبل الجلود اللى جايه من بره وطول الوقت فى شغل كويس طول السنة".

كما قال منتصر محمد متولى صاحب مدبغة جلود بمدينة الروبيكى، أن هذه المدينة أفضل بكثير من ناحية الخدمات عن عين الصيرة، قائلا: "الدنيا هناك كانت ضيقة والامكانيات مكنتش متاحة زى هنا إنما هنا نضافة هنا ممتازة وهناك الصرف علطول يضرب ومشكلة المواصلات هنا اتحلت وشغالة 24 ساعة".