واختار محمد رمضان رقم هاتف كاملا من خلال الصناديق المملوءة بالكور التى تحمل الأرقام، وكان الرقم الفائز هو 01273116017، وأجرى اتصالات هاتفيا بالرقم، حيث ردت سميرة إبراهيم عطية من حى المناخ ببورسعيد قالت انت مين انت هانى؟، وقال لها انا محمد رمضان : كسبتى معانا 200 ألف جنيه، فردت: يا سلام هما فين الـ200 ألف جنيه دول؟! انت بالله عليك بتتكلم جد ولا بتهزر"، مؤكدة: أنا هطلع منهم حاجة لله لأن فى ناس غلابة، ولو انت الممثل محمد رمضان ربنا يباركلك فى مالك وعيالك وانا متوضيه وبدعيلك وولادى بيشكروا فيك، وحبيت مسلسل "جعفر العمدة"، ولو انت محمد رمضان قول الحق، والله مش مصدقة انت وضميرك بقى".
وكان الفنان محمد رمضان، قال إن برنامج "مدفع رمضان" تم صناعته بمحبة كبيرة للشعب المصرى، كاشفًا عن أنه قال للشركة المتحدة للخدمات الإعلامية عند تعاقده على تقديم هذا البرنامج: "أنا جاهز أروح كل شبر فى مصر علشان نفرح الناس".
