ماجد المصري خلال «بودكاست بداية»: بحب أدوار الشر لكن لازم ألعبها بشكل مختلف
الإثنين، 03 مارس 2025 07:22 م
حل الفنان ماجد المصرى، ضيفا فى الحلقة الثالثة من برنامج "بودكاست بداية" من تقديم الطفلة ريما مصطفى وآدم وهدان، على شاشة قناة الحياة.
وقال ماجد المصرى:"أنا بحب أدوار الشر، وبحس بتفاصيل الشر أكتر، والمشاهد بحب الحتة دى، مثل مسلسل "ضرب نار" فشخصية "زيدان" صعبت على الناس فى المشهد لما مات موت مفاجئ، وفى نهاية الدور عرف يستقطب تعاطف المشاهد رغم أدوار الشر اللى قدمها".
وأضاف ماجد المصرى أن عمر المنسى فى مسلسل "مفترق طرق" كان متعب شوية ومكنش باين عليه فى الأول وكان بيلعب دور الشر بطريقة مختلفة، وانا بحب أدوار الشر لكن لازم يتلعب الدور فى كل مرة بشكل مختلف".
ولفت ماجد المصرى إلى أن دور "سيف الحديدى" فى مسلسل "آدم" كان صعب جدا، والناس كانت بتخاف تسلم عليا فى الشارع، كانوا حاسين أنى مريض نفسى والأنا عالية عندى، لكن فى الحقيقة أنا راجل بسيط، وده يؤكد أنى نجحت فى الدور.
