عمرو أديب: تحرك مصر فى القضية الفلسطينية ناجح وصحيح ومحدش بيلوي دراعها وأنا قدام شعبي وتاريخي وضميري يجب أن أتحرك

تحدث الإعلامي عمرو أديب عن سياسة مصر تجاه القضية الفلسطينية: مصر كانت بتلعب شطرنج، بصراحة كل تحركات اللي على رقعة الشطرنج السياسية والاستراتيجية كانت ناجحة وصحيحة.

وأضاف خلال برنامج "الحكاية": لم أر شيئا يمكن إنك تقول أنها حركة غير صحيحة.. وأنت كل يوم ليك موقف، زي الشطرنج حصل هجوم فتدافع وتحمي.. ولو قررتوا تلووا دراعنا، محدش بيلوي دراع مصر.. وأنا كمان رد فعل، مش هقف أتفرج، أنا قدام شعبي وتاريخي وضميري يجب أن أتحرك".

وتابع عمرو أديب: "لو انت النهاردة كمصري ويجرى هذا الأمر ولم يحدث تحركات على الحدود ولم يكن هذا الرد القوي في الأمم المتحدة وبيانات الخارجية وهذه الاتصالات وهذه الرسائل، لو مكانتش دولتك عملت كده كنت هتقول لمصر، جايب  الجيش دا ليه، وبتاخد من عيش وأكل الناس عشان تبني الجيش دا ليه؟ النهاردة الإجابة.