والدة البطل أحمد الجندى: ابنى واقف جنبى ودعمنى وتمنيت يكون من أبطال لعبة الخماسى
السبت، 14 ديسمبر 2024 05:55 م
عبرت منى شفيق والدة البطل أحمد الجندي، عن فخرها بعد فوزها بعضوية اتحاد الخماسي الحديث قائلة: "حاجة تشرفني واتمنى نقدم لاتحاد الخماسي كل الدعم لتقديم نجاحات أكثر من المراحل اللي فاتت وكل عائلة أحمد كانت واقفة معاه في الاولمبياد وحاليا هو يدعمنا".
وأضافت منى شفيق، خلال مداخلة هاتفية ببرنامج "الستات مايعرفوش يكدبوا"، المذاع على قناة سي بي سي، "كل عائلة أحمد الجندي كانت واقفة جنبه في أولمبياد باريس ودلوقتي هو اللي واقف جنبي وأنا حبيت لعبة الخماسي من أول ما سمعت عنها وأحمد ساعتها كان طفل عنده خمس سنوات".
وتابعت: "حبيت أولادي يدخلوا لعبة الخماسي الحديث ويكون من أبطالها وتمنيت أنه يمارس العاب الخماسي ويكون من أبطالها".
