مؤسس "agronova" يطلب من "شارك تانك" 30 مليون جنيه مقابل 30% من قيمة الشركة
الأربعاء، 11 ديسمبر 2024 10:23 م
استعرض طارق خضر، مؤسس شركة "agronova"، تفاصيل مشروعه، حيث طلب 30 مليون جنيه مقابل 30% من قيمة المشروع.
وقال خضر خلال برنامج "شارك تانك" الذي يذاع على قناة "cbc": "مصر السنة دي هتنتهي من استصلاح مليون و600 ألف فدان، والمخطط ان كمان 3 سنين، هنكون استصلحنا 4 ونصف مليون فدان، وكل ده هيحصل ومعندناش 50% من ميكنة زراعية تغطي المساحات المستصلحة في مصر".
وأضاف: "احنا في شركتنا شوفنا الفرصة، ونعتبر من أول الشركات المصرية اللي قدرت تورد وتصنع أنواع من قطع الغيار الاستهلاكية بصفة دورية للمعدات الزراعية، وسوق المعدات الزراعية في مصر والشرق الأوسط ضخم جدا، واستهلاكي جدا، ولحد النهاردة بيعتمد بشكل أساسي على الاستيراد".
وتابع: "أنشأنا أول مصنع لينا في مصر، وقدرنا بعد تجارب طويلة، ننتج قطعة غيار تقدر تنافس المستوردة، في السعر والجودة، عشان تناسب أراضينا واحتياجات المزارعين".
وقال: "قدرنا نصنع ونورد ملايين قطع الغيار، ونطلع منتجاتنا للسوق الأوروبية، وحققنا مبيعات خلال 10 سنين 500 مليون جنيه".
