صاحبة "on board" تطلب من "شارك تانك" 3 ملايين جنيه مقابل 15% من قيمة الشركة

استعرضت منة أحمد، صاحبة مشروع وشركة "on board"، تفاصيل مشروعها، حيث طلبت 3 مليون جنيه مصري مقابل 15% من قيمة الشركة.

وقالت خلال مشاركته في برنامج "شارك تانك" الذي يذاع على قناة "cbc": "المشكلة اللي بتقابل أي حد فينا لما يكون معزوم عندنا حد، يا ترى هنعمل أكل ايه ويا ترى الأكل هيعجب الضيوف؟".

وأضافت: "فكرة مشروعي هي اللي هتحول أي تجمع أو عزومة إلى ذكرى متتنسيش، والمشروع بدأ برأس مال بسيط، وحاليا حققنا مبيعات وصلت لـ 4 مليون جنيه، والفكرة في الأساس جتلي لما كنت بعزم أصحابي وأدوقهم الكيك بتاعي وببقى سعيدة لما يحكولي انهم مبسيوطين".

وتابعت: "كبرت واتخرجت واشتغلت وبعد كدة اتجوزت وخلفت، ومن هنا وصلتلي الأون لاين بيج، وأنا حاليا بوصل منتجاتي في القاهرة والجيزة والساحل ودبي وأبو ظبي، وده بفضل فرع فتحته في دبي".

وقالت: "في البداية أول ما فتحت فرع، كنت بعمل كل حاجة بنفسي، بنزل اشتري المنتج وأنا اللي بعمل فيه كل حاجة، وساعات كنت بروح أوصل الحاجة بنفسي للناس لبيوتهم، وأنا انهاردة معايا فريق كبير، وكل واحد مسؤول عن الجزء بتاعه".