صاحب مشروع "fit and fresh" لـ "شارك تانك": "بنقدم أكل صحي وطعمه حلو"

استعرض محمود أمير صاحب "fit and fresh"، تفاصيل المشروع، حيث طلب 10 مليون جنيه مقابل 10% من قيمة المشروع.

وقال محمود أمير، خلال مشاركته ببرنامج "شارك تانك" الذي يذاع على قناة "cbc": "كنا زي أي اتنين شباب، قرروا ينزلوا الجيم، لكن العقبة اللي قصادنا كان الدايت، مش بنقدر نكمل عليه، وبمساعدة والدتنا أنا وأخويا، قدرنا نحقق المعادلة الصعبة، أكل صحي وفي الوقت نفسه طعمه حلو".

وأضاف: "بدأنا مشروعنا لـ 300 جنيه بس، وكان عبارة عن بار في جيم، كنت أنا واخواتي فريق العمل، ووالدتي كانت بتجهز الأكل في البيت، لحد ما الفكرة بدأت تنتشر والناس بدأت تعرفنا، واشتغلنا فترة طويلة أون لاين من البيت، وكان نقطة تحول في البيزنس بتاعنا، وحاليا بقى عندنا 3 فروع في أماكن مهمة، وبنحقق أكثر من 45 مليون جنيه، وبنعمل أكثر من 200 ألف أوردر".

وتابع: "قدرنا نغير مفهوم الأكل الصحي في سوق صعب جدا، مطعمنا بيقدم 150 صنف من مطاعم كتير حول العالم وهو مطعم أكل صحي متكامل، واحنا بنقدر خلال ساعة واحدة الأكل يوصل، وبنقدر نقدم المطلوب لأصحاب الأمراض المزمنة والرياضيين".