بالصور..أسرة صياد الدقهلية تناشد السيسي لحل مشكلات بحيرة المنزلة

ساعات وأيام من الحزن والأسى تعيشها أسر صيادي المطرية بعضهم ينتظر جثمان ذوية والأخر ينتظر خبر مفرح أو إتصال من أح الصيادين للاطمئنان على باقي أفراد المركب، مأساة يومية تعيشها أسر صيادي مركب زينة البحرين والغارق في المياة السودانية الإقليمية منذ عشرة أيام.

قال شقيق أشرف الشتيوى، صياد مفقود:«أن شقيقي مفقود في البحر ومش عارف عايش ولا مات، مضيفا شقيقي هوا العائل لزوجته و 4 من أولاده أكبرهم في 2 ثانوي، وحتى الآن مسؤولي الدقهلية في غياب تام ومحدش عبرنا بأي حاجة


بينما قالت أماني محمد أحمد، زوجة الشتيوى:« إن زوجها أول مرة يخرج في رحلة صيد هذا الموسم، وخرج منذ ثلاثة أسابيع مضيفة:«بقالنا أربع أيام على غرق المركب ، ومش عارفين حاجة عنه ولا عارفين هيطلع من البحر ولا لا».

وتقول هبة الشتيوى، الأبنة الأكبر للصياد المفقود:«مش عارفة أفرح أو أعيط متسائلة هل أبي عايش ولا ميت ،مضيفة نعيش خمس أفراد في شقة سكنية ولا نملك اي مصدر رزق أخر ولا نملك اي نقود بسبب غياب أبي».

وطالبت هبة المسؤولين بسرعة التدخل والبحث عن أبيها، وإنقاذه مشيرة إلى أن بحيرة المنزلة:«طول ما هي بتطرد الصيادين خارجها عشان البلطجة والقرف اللي هما بيشوفوه، طول ما الصيادين دي هاتفضل تموت وتغرق في البحر الأحمر والسودان، وكمان ممكن يتقبض عليهم زي ما البحارة بتوع مركب بدر الإسلام اتقبض عليهم في السودان العام الماضي».

وتضيف مي الهتيمي، 14 عاما، الابنة الكبرى للصياد الناجي "نفسي الرئيس السيسي يحل لبابا مشكلة بحيرة المنزلة، عشان بابا ميسافرش البحر الأحمر تاني، ومش عايزاه يتأخر في السودان زي الصيادين اللي كانوا على مركب بدر الإسلام العام الماضي، واتحبسوا في السودان، واختتمت رسالتها عايزة الرئيس السيسي يتصرف،

وأخيرا تقول زوجة «الهتيمي» تلقيت اتصالا هاتفيا من زوجي بعد نبأ غرق المركب بيومين، يفيد بأنه على قيد الحياه، وأنه روى لي تفاصيل غرق المركب بالبحر، قائلا "المركب اتعطلت فى البحر ورمينا الهلب عشان يمسك في الشعب المرجانبية بس الهلب اتقطع، والماتور تعطل ما جعل المركب تتحرك عشوائيا لتنقلب في النهاية، وبعدها تمكنت أنا وصياد من دمياط من السباحة لمسافة 7 كيلو مترات قرب الشواطىء السودانية، حتى وجدنا مركب صيد سوداني صغير استطاع انتشالنا ونقلونا إلى المستشفى لتلقى العلاج.