ماذا لو كنت وزيرا؟.. تجربة الطلاب مع وزير التعليم العالى بـ"مصر تستطيع"

أجرى الإعلامى أحمد فايق تجربة مع طلاب الجامعات، في حضور وزير التعليم العالى الدكتور أيمن عاشور، بطرح سؤال عليهم "ماذا لو كنت وزيرا لمدة دقيقتين؟"، وقال أحد الطلاب: "هعمل إحصائية للجامعات وأشوف الطلاب محتاجين إيه وكل واحد يكتب دا وأبدأ أحسن من كل حاجة، وأول حاجة مهمة بالنسبالي رأي الطلاب".

وقالت أخرى ببرنامج "مصر تستطيع"، عبر قناة "DMC"، مع الإعلامى أحمد فايق: "هعمل إحصائيات وأشوف اللي قبلي عمل إيه وأطور أكتر، وأسمع من الشباب نفسهم عاوز إيه"، بينما أضاف طالب آخر: "لو بقيت وزير التعليم العالى، ماحبش فكرة إني قاعد والتقارير تيجيلي، أحب أنزل أروح كل جامعة وكل كلية لو دا متاح، وأتكلم مع الطلاب وأشوف بيفكروا إزاي". 

وتابع أحد الطلاب: "أحاول أخلي مستوى الجامعات واحد وبتصنيف عالى"، بينما واصلت أخرى: "هاخد قرار أنزل في الجامعات وأشوف الأقسام اللي مش متاحة ونفتحها".

ورد وزير التعليم العالى: "ما قاله الطلاب هو تشكيلة القرارات التي نحتاجها أو الأولويات في التعليم العالى"، مشيرا إلى أن الحديث عن أن الاستبيان لا يعبر عن 100% من الأسئلة، فإن تصميمه وطريقة الأسئلة والإجابات نستطيع معرفة مدى مصداقية الاستبيان.