خالد عليش: المتحدة أعطتنا الثقة فى تنفيذ برنامج "ما بقتش كحيان فى العلمين"
الجمعة، 09 أغسطس 2024 11:06 ص
وجه الإعلامي خالد عليش، الشكر للشركة المتحدة والإعلامية قصواء الخلالي على دعم فكرة برنامج "ما بقتش كحيان في العلمين"، قائلا: "الشركة المتحدة أعطتنا ثقة نعمل اللي شايفينه بالرؤية اللي شايفنها وهما عايزين الرسالة دي وما حدش بيقول لنا نعمل إيه وبنعمل اللي عايزينه في حدود أخلاقيات المهنة".
وأضاف خالد عليش، خلال لقاء ببرنامج "صباح العلمين"، المذاع على قنوات المتحدة، أن فكرة برنامج "ما بقتش كحيان في العلمين" بدأت بتواصل الشركة المتحدة معه وكلمه على فكرة الافيه الخاص به والعمل على تطويره في شكل برنامج، مؤكدا أن العلمين مفتوحة للجميع وأي حد يقدر يروح يتبسط".
وتابع: "القصة في العلمين الجديدة مش حفلة بالليل ومن الصبح في فعاليات كتير وشواطئ مجانية وبفلوس مش كتير وفي غالية وعايزين نقول للناس، إن المدينة متاحة للجميع والفكرة نورت من عند الإعلامية قصواء الخلالي، والمخرج أحمد عساف المخرج عامل مجهود عظيم وهو عنده وجهة نظر وسايب نفسي وطلعنا الموضوع بالشكل ده".
