كندة علوش بعد إصابتها بالسرطان.. "محدش يتعامل معايا كمريضة عشان مدخلش في موود المرض وأتعب زيادة"

وعن إصابتها هي ووالدتها بمرض السرطان قالت: "ماما عملت العملية وبدأنا أنا وهي ناخد جلسات الكيماوي مع بعض، وشعري وقع 60% منه واشتريت باروكة وملبستهاش ووقع من كل راسي، مكانش فيه بؤر بس الحمد لله موقعش كله، لكن ماما وقع كله وهي بتخاف مش زيي، وكنت ببقى قلقانة وخايفة على خوفها".

 

 

وتابعت: "أكتر جملة كنا بنرددها مع بعض طول الوقت الحمد لله، وناس بيقولوا ابتلاء وناس بيقولوا مرض ولا لحظة اتعاملت معاه كدة، واتعاملت كأنها نعمة وربنا ميزني وعايز يلفت نظري لحاجة ويعلمني حاجات، وفي رحلة الحياة اللي بيعلمك مش بس الحاجات الحلوة مش من النجاح أو السعادة، اللي بيساعدنا الانكسارات والوقعات لحظات الفشل لحظات الضعف، وربنا حب يعلمني من خلال الرحلة دي، وعشان كدة دايما بقول الحمد لله وأنا أكيد أحسن من ملايين الناس اللي اتعرضوا لنفس المرض بس كانت ظروفهم أسوأ".