الرئيس السيسي يوجه بتعديل اسم محطة "الحمام" لتحلية المياه

وجه الرئيس عبد الفتاح السيسى بتعديل اسم محطة "الحمام" لتحلية المياه، قائلا: "طب ما تشوفوا اسم غير الاسم ده.. غير المحطة الموجودة فى الشمال.. احنا بنعمل محطات التحلية من أجل الزراعة.. والأرض الزراعية الموجودة فى الدلتا حجمها محدد وتتأكل ولابد من الزراعة.. هو التحدى والقرار نعمل ولا مش نعمل.. نعمل ونعانى ولا مش نعمل وتخرب بجد.. ربنا الوكيل.. هو المطلع.. والعلماء.. هو الكلام ده بمشورتى.. كل الخبراء فى وزراتى الزراعة والري.. كل ما له حديث فى الموضوع بوثائق ومحاضر".

 

وأضاف الرئيس السيسى، خلال كلمته فى افتتاح المرحلة الأولى من المنطقة الصناعية وبدء موسم الحصاد بمشروع مستقبل مصر للتنمية المستدامة: "ليه مش قولنا التكلفة الخاصة بمحطات التحلية.. الـ 5 – 6 مليار متر مياه فى محطة بحر البقر والمحسمة والحمام.. وضعنا إنفاق ضخم جدا.. ده البديل لنقص المياه ومجابهة الزيادة السكانية.

 

وتابع الرئيس السيسي: "وزارة الإسكان بتعمل محطات ثلاثية المعالجة.. يا جماعة لازم الأرقام تتكلم معاكم علشان الناس اللى فى مصر تسمع.. المسار ده مش إخفاق من الدولة ومعلشى بقى غلطوا.. لا مش غلطوا.. ظروف بلدنا كده.. احنا مغلطناش بفضل الله وعدد السكان كبير والموارد محدود.. الظروف كده".