50 الف جنية مكافأة من برنامج "حياة كريمة" لسائق تاكسى لموقفه الإنسانى مع مريض سرطان

أهدى برنامج "حياة كريمة" المذاع على قناة DMC، ويقدمه أيمن مصطفى، سائق تاكسى، ميدالية حياة كريمة ومبلغ 50 ألف جنيه دعم من البرنامج لسداد ديونه، وعبر السائق عن سعادته وبكى قائلا: "كنت لسه بدعى وبقول يا رب نفسى أعمل حاجة عشان أسدد اللى عليا وربنا لك الحمد على نعمتك وشكرا لكم".

 

 

واستوقف البرنامج سائق تاكسى، بعد أن قرر رفض توصيلة للمطار بمبلغ كبير مقابل توصيل رجل ابنه مريض لمستشفى سرطان الأطفال بدون أجر، وقال سائق التاكسى: "ده راجل محتاج مفيش غير أنك تساعد بنى ادم وتسفعه وهو الأولى، وأنا سواق شغال على العربية وبدعى ربنا بسداد اللي عليا ويستر عيالى وعليا ديون فى حاجات ممكن تتسد قدرها 31 ألف جنيه"، مؤكدا أنه لم يندم على موقفه برفض التوصيلة بمبلغ كبير مقابل عمل الخير.

 

وتابع سائق التاكسى: "عليا 31 ألف جنيه وده راجل تعبان ومش معايا فلوس أني أساعده ولما أساعد بني ادم ربنا ييسرها والواحد لازم يعمل خير وفى يوم بروح بفلوس كويسة وممكن أروح بألف جنيه ولما بيجيلى فلوس كويسة أول حاجة بفكر فيها أولادى".