بعد إيقافه.. أحمد مالك يقدم اعتذارا رسميا للشرطة

قدم الفنان الشاب احمد مالك اعتذارا رسميا عبر حسابه الخاص بموقع التواصل الاجتماعي فيس بوك عن فيديو "الواقى الذكرى" والذي أساء بع للشرطة وتسبب ذلك الفيديو فى صدور قرار من نقابة المهن التمثيلية بإيقافه عن العمل.

حيث كتب مالك " بعتذر بشده لكل شخص اساءه الفيديو و خاصه الشرطه. الفيديو فعلاً فيه تجاوزات لم اتوقع انها تخرج بره دايره الاصدقاء و ده مش مبرر علي الخطأ. انا عمري عشرين سنه و ساعات في السن ده الافكار المتهوره بتسبق التفكير العقلاني و للأسف الغلطات دلوقتي بقت مسجله و مصوره و ده بيديها عمر و حجم اكبر من حجمها الحقيقي … دي لحظه تهور و لحظه مش محسوبه و فعلاً ندمان عليها و حاولت مسحها و لكن كنت فوجأت انها انتشرت قبل ما اقدر انقذ الموقف. يمكن الموقف ده كله نابع من احباط عدم القدره علي التعبير عن الرأي اللي جيلي حاسه الايام دي بس برضه ده ميدينيش الحق اني اتجاوز او اعبر عن رأيي بطريقه متجاوزه في حق الآخرين. اكتر حاجه مضايقاني انه هيتم استخدام اللحظه دي لتشويه الثوار و الثوره و مقدرش الوم حد في النقطه دي الا نفسي اللي الاحباط عماها. اتمني من الجميع انهم ميتعاملوش مع اللحظه دي علي انها بتلخصني و يتعاملوا معاها انها لحظه عابره لن تتكرر. مره آخري بعتذر".