آخر تطورات صحة حميد الشاعري.. ورد نديم نجله على حلمي بكر

نديم الشاعري، نجل الفنان حميد الشاعري كشف عن تعرض والده لوعكة صحية، ونشر نديم صورته مع والده وكتب عليها :" ربنا يقومك بالسلامة يا كابو الجيل"، حيث يعاني حميد الشاعري من دور برد شديد،  حيث أجرى فحص بفيروس كورونا وكانت النتيجة سلبية.

تفاصيل الحالة الصحية للفنان حميد الشاعري

 وبعد خروج حميد الشاعري من المستشفى، كشف طاهر فوزي مدير أعمال الفنان حميد الشاعري عن تفاصيل حالته الصحية بعد خروجه من المستشفى إثر تعرضه لوعكة صحية مؤخراً.

نجل حميد الشاعري

على الجانب الأخر هاجم نديم، نجل الفنان حميد الشاعر، الملحن حلمي بكر، بعد هجومه على والده خلال ظهوره بالبرامج التلفزيونية، وقال "نديم" عبر "فيسبوك": "أستاذ حلمى لو محتاج مساعدة الكابو مش حيتأخر عليك، لكن ما ينفعش كل ما تتزنق تروح برنامج تجيب سيرة حميد الشاعري اللي للأسف تاريخك ميجيش تمن تاريخه ولا فنيا ولا أخلاقيا للأسف، ٣٠ سنة من عمري ما بيعملش حاجة في حياته غير التقليل من الناس ومن الفنانين ومن أعمالهم".

وتابع نجل حميد الشاعري: "اوعى حضرتك تفتكر إنك محطوط في خانة الإنسان المحنك، لا للاسف، فرق كبير أوى بينك وبين الكابو حتى في الفكر الموسيقى والمعاملة مع الناس، الكابو كبير مقامة ومش بيرد عليك عشان هو اكبر من كده واكبر منك بالذات، ودايما بيقولي ما تردش على حد، لكن ولاده كبروا ومش حيسمحوا انك تقطع في ابوهم".

وأضاف نجل حميد الشاعري: "هو حضرتك بجد فاكر أن حميد هو اللي بوظ المزيكا في مصر؟ المقسوم إلى حضرتك بتتكلم عليه هو اللي واكل بقاله ٣٠ سنة مع كل الفنانين، وهو سر الاستمرارية والنجاح، مفيش البوم بينزل غير ومقسوم الكابو رانن في الودن، لما مذيع صابغ شعره ابيض وفي اللفة يسألك سؤال زى ده، المفروض ردك يبقى تربوى قبل الفني إنه ازاى يسأل السؤال بالطريقة دي، لكن حضرتك كنت حتطير من الفرحة عشان السؤال في تقليل للكابو".. وأختتم نجل حميد الشاعري: "حاول يا أستاذ حلمى تكسب الناس عشان الدنيا فانية. متبقاش خسران السيرة الطيبة وكمان الناس".