شيرين عبد الوهاب تكشف كل شيء: «حسام حبيب هو اللي حلقلي شعري» (فيديو)

قصة الفنانة شيرين عبدالوهاب وحسام حبيب لم تنتهي وهذا ماكشفت عنه الفنانة شيرين عبدالوهاب بعد تعرضها للسرقة من طليقها المطرب حسام حبيب، قائلة: "حسام سرق العربية النهارده، وإحنا موجودين في الساحل، اتعمله محضر بعدم التعرض ليا وولادي"، متابعة: "أنا كنت جايبه العربية عشان عندي عربية تاني عالية، وجبت عربية وأطيه عشان الخروجات جبت المرسيدس وقلت هيركب العربية دي حسام، وعشان لم يقف من سيادة الظابط مينفعش يلاقي الرخصة باسم مراته، عشان كدا كتبتها باسمه، انا استاهل 60 نيله على شكلي".

شيرين عبدالوهاب: حب حسام زي الكانسر

وتابعت شيرين عبدالوهاب خلال مداخلة هاتفية ببرنامج "كلمة أخيرة": "لازم اروح اتعالج من حسام، أنا موكوسة على عيني، وحبه زي الكانسر دي علاقة سامة، مهري لازم يكون 10 مليون دولار، أنا عايزه حقي.. كنت عايشة مع راجل مش بيشتغل ولا بيخرج ولا بيشوف أهله ولا أصحابه وكل همه حب الامتلاك ومع ذلك فضلت جمبه وهو لايعرف إلا فكرة حب الامتلاك وصبرت لأني كنت بحاول أنجح الحب ده"، مضيفة: "كل الناس عارفة أني كنت بحاول أجمل صورته لكن الناس مكنتش مقتنعة وهما مش هبل وعارفين كل حاجة وأنا كنت طول الوقت بكدب عشان أجل صورته وعندما سرقت السيارة في تمام الواحدة بعد منتصف الليل تلقيت إتصال أن السيارة سرقت".

شيرين عبدالوهاب: حسام حبيب مريض بحب الأمتلاك

وأردفت شيرين عبدالوهاب: "لقيت نفسي بعد فترة كورونا بدمر وشغلي بيقف اللي كنت معتمدة أنه يخلصه ماعملش حاجة وهو شخص مؤذي جدًا وخسرني كل الناس أخويا وأختي وأمي وأصحابي والسائق والشغالة كل الناس خسرهملي وكان بيعتقد أن كلهم متامرين عليه وأقتنعت أن الدنيا متامرة أننا مانبقاش مع بعض وهو للاسف لازم يتعالج نفسيًا لانه مريض بحب الامتلاك".

واستطردت شيرين عبدالوهاب "حسام حبيب حمل السلاح فى وجهها وفى وجه بنتيها، قائلة: "عيالى كانوا هيضربوا بالرصاص، قبلها بيومين قاعدين فى الأوضة، طلع من الدرج علبة فيها رصاص.. راح مدينى رصاصة وقال لى خد دي مني هدية".

شيرين عبدالوهاب: خناقتنا فيها ضرب وسحل

واستكملت شيرين عبدالوهاب: "الحمد لله إنى لسه عايشة، وحسبى الله ونعم الوكيل.. احنا اطلقنا لما قصيت شعري (بائن)، واللى حصل بعد ما هديت من الكارثة حسيت إن أنا مش قادرة استغنى عنه واديله فرصة تانية.. خناقات فيها ضرب وسحل على الأرض وشتيمة عمر ما إنسانة تقبلها على نفسها.. واتنيلت على عيني ورجعت فقولنا ندي فرصة تاني وشروط.. وبناتي في بيت تاني ونشتغل.. لحد ما ابتدت الوعود تتلاشى والمشاكل ترجع تانى وقلة الأدب ترجع تاني".

وتابعت شيرين عبدالوهاب: "كل خناقة تحصل ما بينا يحرق دمي لحد ما امسك المكنة واحلق شعري.. وطلعت غنيت عشان بناتي مايتعقدوش وحسستهم إنه (نيو لوك).. تخيلي قد إيه أنا تعبت، ومش بستعر من شكلي.. ولما رجعنا لبعض تاني رجعوا تاني البنات يشوفوا إنه بيتدخل في كل شيء وإنسان معندهوش شغل".

رد حسام حبيب على شيرين عبدالوهاب

وبعدها المطرب حسام حبيب خرج عن صمته للرد على تصريحات طليقته الفنانة شيرين عبدالوهاب، والتي اتهمته فيها بسرقة سيارتها والتعدي عليها، وقال حسام حبيب، خلال تسجيل صوتي لـ"et بالعربي": "أكيد هيبقى في إجراء قانوني، أنا عمري ما دافعت عن نفسي، وعمري ما إتكلمت وده كلام كله مرسل وأنا الكلام اللي هرد بيه إن شاء الله كلام كله موثق ومش هقول كلام مرسل".

وتابع حسام حبيب: "كل حاجة دلوقت بحضرها حفاظًا عليها وعلى سمعتها وعلى بيتها، يعني مكنتش بتكلم، بس دلوقت هتكلم هضطر أتكلم طبعا، هضطر إني أتكلم علشان الكلام بقى زيادة أوي، بس أنا مش هطلع أتكلم كلام مرسل، أنا هطلع أتكلم كلام بحقايق وبوثائق علشان أنا مش بعرف أقول كلام مرسل أتحاسب عليه ولا أفتري على حد.. سأرد بوثائق تثبت.. ده كله تهديد وابتزاز.. بتهدد دايما بجمهورها.. بس أنا إجراءاتي قانونية، وبرضه ردي في الإعلام هيبقى بحقائق لن أستعجل وسأرد قانونيًا بالمستندات".