أخر تطورات الحالة الصحية لابن الفنانة ميار الببلاوي معلقة:" يارب يقف على رجله"

تصدرت الفنانة ميار الببلاوي، مؤشرات البحث عبر الساعات الماضية بسبب مرض ابنها خاصة بعد الاستغاثة التي أطلقتها على مواقع التواصل الاجتماعي، وأكدت الفنانة ميار الببلاوي، إصابة ابنها بجرثومة في المعدة، ربما تحيل دون ذهابه إلى امتحان آخر مادة في كلية الاقتصاد والعلوم السياسية.

الحالة الصحية لـ ابن ميار الببلاوي

أكدت ميار الببلاوي في تصريحات لها قائلة: "الدكتور طمني، وقالي ابنك عنده فيروس في المعدة، وبيخف بعد 3 أيام، ولكن أعراضه صعبة، وكان يهمني يروح الامتحان لأنها آخر سنة، لكن لما شفت حالته صعبة قلت يارب يقف بس على رجله".

حالة ابن ميار الببلاوي

وتابعت ميار الببلاوي: "الحمد لله ابني راح الامتحان، أصحابه جم ومسندينه، هو كل حاجة ليا في الدنيا، لأني فقدت والده وهو عنده سنتين، ومن بعد وفاة ماما وقلبي دايمًا مقبوض، خاصة إنها تعبت نص ساعة وماتت".

وأردفت ميار الببلاوي: "الحمد لله فضل ونعمة من ربنا، هو اتحسن، بس قلبي واجعني أوي عليه، ماكنتش قادرة أشوفه وهو مش قادر يقف على رجله، والدكتور بيعالج ابني في البيت، وعلق له محاليل، لأنه بيعاني من مشكلة في المعدة، والدور منتشر بين جيله بصورة كبيرة، ومن المقرر أن يتحسن خلال 3 أيام فقط".
 

تعليق ميار الببلاوي عن صحة ابنها

وكانت الفنانة ميار الببلاوي أعلنت عبر حسابها عبر موقع التواصل الاجتماعي "فيس بوك"، تعرض ابنها لأزمة صحية، وكتبت: "إيه ده، إيه الدنيا دي، إيه الناس دي، الواحد عايش في كوكب لوحده ملهوش حد، ولا يفرق مع حد كله بيقول يالا نفسي، ولو ليه مصلحة عندك يعملك نفسه مروحة، ولو ملوش متلزموش، دي كلمة ست طيبة لقتني ببكي في المسجد بتاع المقابر وقالت لي دموعك غالية وفريها الجايات كتير، والله استغربت كلامها وكأنها بتأهلني للي جاي".

ابن ميار الببلاوي

أخر ظهور للفنانة ميار الببلاوي

وميار الببلاوي في أخر ظهور إعلامي لها، دخلت في نوبة بكاء شديد على الهواء بعد عرض صورة والدتها الراحلة قائلة: "ده أسوأ يوم في حياتي أنا بموت كل يوم وبقيت حقودة مقدرش أشوف حد معاه أمه وأنا من غير أمي وبموت لما أسمع حد يقول يا ماما.. بغير من ابني إني موجودة في حياته وأنا من غير أمي".

واستكملت ميار الببلاوي، خلال لقائها التلفزيوني، "لحظة وفاة أمي مش بتروح من أمام عيني.. مكنتش مؤهلة نفسيا إنها متكونش في حياتي..  فقدت السند بعد وفاة أمي ووالدي، وإن فقدان والدها كسر ظهرها، خاصة إنهم 3 بنات.. والدي رباني على شهامة الرجال، خلاني ست بميت راجل، مضيفة: وفاة والدي أثرت عليا بشكل كبير قراراتي كلها خطأ.