"هعرف أجيب حقي".. سالي عبدالسلام توثق مضايقات شاب في محطة بنزين بالفيديو
الثلاثاء، 24 مايو 2022 05:00 م
الإعلامية سالي عبدالسلام تعرضت للتحرش من قبل أحد الأشخاص بجوار منزلها أثناء احتساء القهوة مع صديقتها أمام إحدى محطات الوقود، ووثقت الإعلامية عبر حسابها الرسمي بموقع "إنستجرام"، في مقطع فيديو قصير الحديث مع الشخص المتهم بالتحرش وهو يزعم أن ما طلبه شاحن للهاتف الجوال.
تغريدة سالي عبدالسلام
وكانت الإعلامية سالي عبدالسلام روت تفاصيل تعرضها للتحرش، وكتبت: "أمسك متحرش مش هنسيبكم ده واحد وانا قاعدة من شوية في العربية ومنزلتش حتى بشرب كوفى انا وريم صاحبتي في البنزينة اللى جمب بيتى جه يستظرف معاكي شاحن؟؟، رديت بكل ادب لا وداخل بدماغه يشوف!! بعدها انتي متضايقة ليه!!؟ قولتله حاجة متخصكش واتفضل امشي!! لااااا متكلمنيش كدة!!! قولتله اتفضل من هنا!! مفيش!!!!".
كيف واجهت سالي عبدالسلام المتحرش؟
وكانت سالي عبدالسلام دونت حديثها مع الشخص المتهم بالتحرش بها:"لسه هيقل ادبه ويستظرف تاني صورته فيديو، ما الناس اتلمت بيقولهم كنت بطلب شاحن! الرجالة بقيت بتقوله هو معلش!!!"، واستنكرت سالي عبدالسلام ما حدث معها، وتساءلت: "هل هو العادى أن أي حد ممكن يكلم بنات ويستظرف ويدخل جوا العربية وعايزنا نسكت؟؟! ليه!!!؟؟؟ احنا حصلنا ايه؟؟؟! وده رقم عربية أنا هعرف اجيب حقي إن شاء الله … السؤال بقى هو مين ده؟؟ وهل ده عادي؟ في بنات هتقبل ده عادي!! مجتمعنا شايف أنه عادي؟ ولما اقوله امشي ميمشيش".
جوائز ومحطات سالي عبدالسلام
سالي عبدالسلام، بدأت العمل في المجال الإعلامي، من خلال تقديمها برنامج "خلي بكرة أحلى" في محطة "ميجا إف إم"، ثم انتقلت إلى راديو "9090"، لتقديم برنامج "طلقة على الطريق"، وبعدها قدمت برنامج "المتوحشة" على شاشة النهار، وحصلت سالي عبدالسلام، على جائزة أفضل مذيعة في مسابقة دير جيست، في 2012 و2015.
قصة الهجوم على سالي عبدالسلام
وكانت تعرضت سالي عبدالسلام، للهجوم، بعد نشر صورة لها، مرتدية الحجاب، خلال أدائها مناسك العمرة، لارتداء ملابس جريئة، أثناء ظهورها في البرامج التلفزيونية، لتخرج عن صمتها فيما يخص هذا النطاق، قائلةً: "آخر صورة بالحجاب لحد ما ربنا يكتبهولي وأبقى مستعدة بإذن الله، محدش هيتحاسب بدالي ودي حياتي أنا، ادعولي بدل ما تقولوا كلام ملوش أي لازمة".
سالي عبدالسلام والحسد والثعلبة
كانت تحدثت سالي عبدالسلام، فيما قبل، عن إيمانها بالحسد، والذي تسبب في تساقط شعرها، فضلًا عن إصابتها بالثعلبة.
بكاء سالي عبدالسلام
ومن قبل دخلت سالي عبدالسلام في نوبة بكاء شديدة أثناء سرد كواليس تعرضها للغدر قبل عقد قرانها، مضيفةً "رجالة مبقوش يستاهلوا": "كنت باجي التصوير كتير جدا معيطة وبالذات الشهر ده، عشان كنت ممنية نفسي إني هكتب كتابي وأتجوز، بس الموضوع ممشيش ومحصلش نصيب، لأن أغلبية اللي بنعرفهم مبقوش قد المسؤولية ومبقوش رجالة ومبقوش يستاهلوا، المذيع برضوا ملهوش حصانة إنه يحكى ويتكلم".
