"حكاوى القهاوى" يعود من جديد على قناة الحياة فى رمضان مع الإعلامية رشا الجمال "فيديو"

 

 

طرحت قناة الحياة برومو برنامج "حكاوى القهاوى" للإعلامية رشا الجمال، أبنه الإعلامية الكبيرة سامية الأتربى، الذى يعود من جديد خلال شهر رمضان.

 

 

ويتناول البرنامج حكايات المصريين، وقال البروموا أن "الناس حكايات متعاشة، هانشوفهم سوا على الشاشة، هاتشوف الصبح مراكب النيل، بتغنى في حب النيل، ما هي مصر الصبح جميلة، والصبح في مصر جميل، وسط بلدنا بتقابل سكانها الأصليين، وتشوف في حكاوى القهاوى حكايات المصريين

وقالت رشا الجمال عن فكرة البرنامج "كان زمان بعد ما ابتديت أكون مذيعة اتعرض عليه كذا مرة إني أعمل حاجة شبه برنامج حكاوي القهاوي بتاع أمي الله يرحمها وأنا رفضت. كنت ساعتها حاسة إنه إفلاس. ما القديم موجود وجميل جداً. نعمل واحد جديد ليه؟ مفيش مواضيع جديدة؟ هل أنا مذيعة فاضية ودي الطريقة الوحيدة للنجاح؟ وقتها شعرت إن دة type casting ورفضت: " لن أعيش في جلابية أمي" الله يرحمه نور الشريف".

 

وأضافت رشا الجمال عبر صفحتها على فيس بوك: "لكن الفكرة المخيفة: هل لنا أن نتطاول علي الزمن؟ هل الناس هتحبنا زي ما حبوهم. أمي ويحيي تادرس وعمر أنور وعمر زهران والناس اللي اتربيت اسمع قصصهم. ما هنرييت سكاكيني ماتت، وبتاع الزراير اللي في عمارة Tiring مات، وبتاع البيانولا مات وزمان البنت منصورة اللي طلعت في التتر ماسكة حنش في ابو رواش بقت جدة.. وبعدين فكرت. أمي كانت تعشق شغلها وناسها ودنيتها"، مضيفة "أنا راضية ومبسوطة وطايرة بدة.. وبالتالي فتحنا صندوق الجلاليب العتيقة بحكاياتها وذكرياتها وهويناها وحطينا عليه حزمة وشنط وهدوم جديدة من رشا باشا ورشينا مية قدام عمارتنا في اسماعيل محمد واصطبحنا وصبح الملك لله. غنياني ومهنياني حتي من الآخرة يا مامي.. فيه ناس بتورث حتة أرض في البلد وناس بتورث شقة إيجار قديم وانا ورثت الحكاوى".