والد الشهيد أشرف عبد الفتاح لـ«صوت الأمة»: مهما أدينا دا واجبنا وفريضة دم

قال أشرف عبد الفتاح علي، والد الشهيد ملازم أول محمد أشرف عبد الفتاح، إنه يسأل الله ان يتقبل ابنه من الشهداء.

 

وأوضح أن تكريم الرئيس عبد الفتاح السيسي، اليوم، بمثابة تكريم لكل الشهداء، وكلمة الرئيس هامة للجيل الجديد لكي يعرف معنى الوطن والانتماء والدولة.

 

وأضاف: «كنت عقيد بالقوات المسلحة وعقيدتنا ومبادئنا وأرضنا أهم حاجة، والرئيس لخص الأمر بالقول فيه حكايات في كل بيت من بيوت وأبطال من الشهداء».

 

وأكد: «هذا واجبهم ضريبة الدم، وفريضة والرئيس أب وقبل ما يقول كلمته كان شعوره كأب وإنسان مصري، وحس بالمشهد التمثيلي للشهداء».

 

وتابع: «مصر مصنع أبطال، وتكريم الشهداء كان في ذكرى استشهاد الفريق عبد المنعم رياض، وياريت الجيل الجديد يحس بدا والحرب مبقتش صاروخ بقيت حرب نفسية وتفريغ محتوى، وبلدنا وشبانا وبخير ومهما أدينا دا واجبنا».

 

شهد الرئيس عبد الفتاح السيسي، الندوة التثقيفية الـ 35 للقوات المسلحة بمناسبة يوم الشهيد، وتحدث الرئيس عبد الفتاح السيسي، عن معاناة أهالى الشهداء، قائلآ: "فراق الابن أو الزوج أو الاب صعب.. بشكر اللى قدموا العرض الدرامى عن تضحية الشهداء.. الكلام ده قولتله قبل كده.. يا مصريين.. اللقطة دى أو الفقرة دى.. ده ثمن كبير اوى اندفع علشان كلنا نعيش.. فأقل تمن ندفعه أننا نحافظ اللى هما ضحوا من أجله.. شبابنا زينة شباب مصر من كل حتة.. من جيش وشرطة وقضاء.. حتى المواطنين العاديين".

 

وعلق الرئيس السيسي، على العرض المسرحى "رسالة نور" والذى تم عرضه ضمن فعاليات الندوة التثقيفية الـ 35 للقوات المسلحة، والذى يستعرض قصة أسرة تتلقى خبر استشهاد ابنها الضابط، قائلا: "اسمحوا لى أشكركم أنكم خلتونا نعيش الحقيقة اللى بتعشيها أسر كتير بتقدم ابنها شهيد أو حتى مصاب.. العمل الدرامى دائما بيوفر فرصة لنا كلنا يسجل وقائع يمكن أحنا مش بنعشها كلنا".

 

وأضاف الرئيس السيسي: "العمل الدرامى بيدخل كل بيت.. ويشوفوا الناس قد إيه التمن اللى دفعته أسر بعد لما ربت وكبرت وعملت وضحت وقدمت.. اللى قدمته شهيد أو مصاب بعد كان ملو الدنيا بقى شهيد.. هو ملو الدنيا برضه.. هو شهيد ملو الدنيا".

 

وتحدث الرئيس عبد الفتاح السيسي، عن حياة الضباط واستعدادهم للشهادة، قائلآ: "الكلام اللى قاله نور ضمن العرض المسرحى.. كل ضباط الجيش والشرطة بيقولوه.. صف الضباط والجنود.. هما عايشين حالة محتملة للشهادة.. عايشين فكرة الشهادة.. بيقول الكلام مقبل غير مدبر.. والسلاح في ايدى.. وأموت وسلاحى في ايدى.. بيقولوا الكلام ده".