لم تغب مشاهد جدعنة المصريين عن الأزمة الأوكرانية بعد إعلان روسيا الحرب في البلاد، إحدى قصص الشهامة تعود لطبيبة الأطفال المصرية يارا خربوش المقيمة ببلوندا، والتى دعت النساء المصريات والعرب بالإقامة معها حتى يدبرن أمرهن.
تحدثت يارا خربوش، التى تعيش ببولندا منذ 6 سنوات، عن تطوعها لاستقبال النساء المصريات والعرب، وقالت "عرضت مساعدة النساء المصريات والعرب على صفحتى بأحد مواقع التواصل الاجتماعى، لأن ده واجب إنسانى تجاه بنات بلدى، وكمان إحنا فى حالة شدة وكلنا إخوات ولازم نساعد بعض خاصة فى ظروف الحرب وهما فى أمس الحاجة للمساعدة".
وأضافت "استقبلت فتاة سورية وسافرت لأصدقائها فى ألمانيا واستقبلت بنات مصريات وأصدقائى استقبلوا مصريات، وكمان المصريين على الحدود الأوكرانية البولندية عاملين غرفة عمليات مابين مساعدات طبية وسكن".
وعن الإمكانيات التى توفرها يارا للمصريات والنساء العرب، قالت "أقدر استقبل لحد 8 بنات وأغلبهم بيكونوا طلبة وأنا شقتى مكونة من 5 غرف وقاعدة لوحدى وهما مش بيقعدوا وبيتواصلوا مع السفارة المصرية أو بيكون عندهم أصدقاء بيتواصلوا معاهم وبيمشوا وبستقبل غيرهم، وهما بيكونوا فى حاجة للنوم وشحن التليفون واستخدام الإنترنت عشان يطمنوا أهاليهم، وكمان أنا رقمى مع غرفة عمليات المصريين هنا، ولما حد يتواصل معاهم بيتصلوا بيا أو عن طريق جروبات الفيس بوك، وكمان بوفر لهم الأكل وبعض الأدوية وكذا جهاز لاب توب".
غرفة النوم
